CIV

Ein beschädigtes Siegel mit Kleeblatt hängt noch an.

3. Wir Wilhelm (III) von Gottes gnaden Lantgrave zu Hessen Grave zu Katzenellenbogen u. s. w. bekennen in diesem briefe vor allermenlichen Daß Wir Johann und Wernern von Gilsa gebrudern unsern lieben getruen zu rechtem mannlehn und burglehn geliehen han und lyhen in kraft diesses briefes ein Burglehen zu Cygenhain, das sin nemlich fünf gulden geldes die ihnen alle jare werden und gefallen sulle us der herbstbeede zu Czygenhain und ein huß und hoverede dasselbst die darzu horet und ein halben zehnten zu Sachsenhausen dazu sie uch haben sollen herkommen und freyheit als andere unser burgmannen zu Cygenhain und in maßen ire ältern seligen und sie sulche lehn gehabt und hergebracht han und darzu han wir ine zu rechtem manlehn geliehen die zwei dorffere Gilse und Czymeßraide mit aller derselben dorffere Herrlichkeit, Zuhorung nutzung und gerechtigkeit, und zwei gutere zu Waltersbruck und ein gut zu Thorheim und ein gut zu Geroltzhusen und so han wir ine zu manlehn geliehen die wustenunge zu willershusen mit irer zubehorunge, bethe, Dienste frieheit in maßen als Hans von Doringenberg unser hofmeister und lieber getreuer die von uns zu lehn gehabt hat, darumb sollen die genannten Johann und Wernher und ire Libserben solche obgenannte Lehn und örtere von uns und unsern erben zu rechten manlehn emfahen als manlehns und burglehns gewohnheit ist und unser erben getreue manne darumb sein als getreue manne irem Herrn schuldig und pflichtig sind. Des zu Urkund han wir Wilhelm von Gottes Gnaden u. s. w.

Anno milesimo quadringentesimo octagesimo nono.
Nach dem Original im Archiv zu Darmstadt.

4. Ich Wigand von Gils wapner und ich Otilia sine eheliche Husfraue bekennen offentlichen und mit disem offen versigelten brieffe vor uns und alle unser rechten erben und erbnemer daz wir mit gudem freien willen und vorbedachtem mude recht und redlich verkauft haben und hiermit verkaufen unser